O vindeiro domingo 16 de xullo terá lugar no Monte do Gozo en Santiago de Compostela o primeiro Revenidas Miúdo. Un festival de día pensado para os máis cativos no que haberá música infantil, talleres, xogos populares e unha chea de sorpresas... Completamente de balde!
As rosas, dende sempre, foron material literario, e non só para os poetas. Simples e evocadoras, viaxan a través da historia da literatura dende que alguén, pechando os ollos e aspirando o seu recendo, se sentiu impelido a escribir. Inspiración de aromas e inspiración de historias. Con esa premisa, dez autoras e autores de primeira liña da literatura galega que escribiron un relato tomando a rosa como elemento inspirador.
Eladio y Los Seres Queridos convértense nos novos integrantes de Puro Deleite, o proxecto no que Deleite Galego reúne a bandas e artistas do noso panorama musical co obxectivo de homenaxear aos grandes referentes pop da historia de Galicia.
O pasado 19 de maio estreábase en 25 cinemas galegos Sica. O filme dirixido por Carla Subirana narra a historia de Sica (Thais García), unha rapaza que está obsesionada con que o mar da Costa da Morte lle devolva o corpo dos seus pais tras un naufraxio. Mentres percorre a costa, coñece a Suso (Marco Antonio Florido), un rapaz raro coma ela que espera a chegada de Ofelia, a nai de todas as tormentas. Sica investiga as circunstancias do accidente e adéntrase nunha dura viaxe de descubrimento. Aos seus ollos, a vila mariñeira onde ela medrou, marcado pola brutalidade do seu océano e o crecente desequilibrio da natureza, endexamais será o mesmo.
Do 16 ao 20 deste mes de maio celébrase a XX Edición do Festival de Cans. Unha cita alternativa e divertida que conta coas mellores curtametraxes galegas e, neste ano, incluso do Reino Unido, Francia ou Israel. E un ano máis, conta co apoio de Deleite.
O pasado 23 de abril quixemos festexar o Día do Libro do mellor xeito que se nos ocurreu: regalando as últimas novidades da literatura galega.
O pasado 1 de abril dende Deleite anunciabamos o sorteo de oito pezas artesanais con forma de vaca orixinais da artista ceramista galega Abi Castillo.
A iniciativa de Deleite Galego para o #DíaDaPoesía foi todo un éxito. Máis dunha centena de centros escolares e bibliotecas interesáronse nos exemplares obxecto de agasallo.
Este ano dende Deleite queremos festexar o #DíaDaPoesía dun xeito especial. Para isto non hai mellor maneira que agasallar ás bibliotecas escolares que nolo soliciten con exemplares de dous dos gañadores da última edición do Premio Arume de poesía para a infancia.
A banda compostelá Grampoder (@somosgrampoder) reinterpreta O Lobo (1976) de Fuxan Os Ventos e convértese na nova entrega de Puro Deleite, o proxecto no que Deleite Galego reúne artistas e bandas do panorama musical galego co propósito de homenaxear os grandes mitos da nosa música.
O pasado sábado tivo lugar no Auditorio Municipal de Ourense a vixésimo primeira edición dos premios Mestre Mateo. A gala tivo como mestra de cerimonias á actriz Bárbara Grandío que estivo acompañada no escenario polas intérpretes Victoria Teijeiro e Belén Constenla.
