O día 13 dou comezo o Novos Cinemas, o Festival Internacional de Cinema de Pontevedra, un certame cinematográfico orientado á detección, promoción e difusión do talento emerxente.
A semana pasada argallamos un dos nosos sorteos de #Deleituras nas redes sociais. A lectura escollida desta volta foi ‘Violeta ás agachadas’, editada por Xerais, do autor Ramón D. Veiga e que conta coas ilustración de Abi Castillo.
Outro #25N esixindo o que debería ser unha realidade: 𝘂𝗻 𝗺𝘂𝗻𝗱𝗼 𝘀𝗲𝗻 𝘃𝗶𝗼𝗹𝗲𝗻𝗰𝗶𝗮 𝗺𝗮𝗰𝗵𝗶𝘀𝘁𝗮 🟣 Por unha sociedade de mulleres libres e vivas... 𝗣𝗼𝗿 𝘁𝗼𝗱𝗮𝘀 𝗲 𝗰𝗮𝗱𝗮 𝘂𝗻𝗵𝗮 ♀
Hai uns días activamos o sorteo de seis mochilas de pel creadas por Elena Ferro, que causaron furor entre a #XenteDeleite. Recibimosmilleiros participacións e queremos agradecer a todos os seguidores de Deleite que nunca fallen nas actividades e xogos que organizamos nas nosas redes. E tamén queremos dar as grazas á propia Elena Ferro, que sempre se anima a enredarse en todo o que lle propoñemos!
O drama ‘O corno’, rodado en galego pola donostiarra Jaione Camborda, xa é historia do noso cinema ao acadar o galardón á mellor película na 71ª edición do prestixioso Festival de San Sebastián. E logo de ser estreado nos cines a pasada semana, o filme acumula máis de 20.000 espectadores, o que supón o mellor arranque comercial dun filme en galego na historia.
Os Premios Bacelos de Prata, impulsados pola Asociación Álvaro das Casas e o Foro Enrique Peinador, teñen por obxectivo premiar a aquelas empresas que cun firme...
Fillas de Cassandra, o dúo formado por Sara Faro e María Pérez, convértese no novo integrante do proxecto Puro Deleite, a iniciativa na que Deleite reúne a bandas e artistas do noso panorama musical co obxectivo de homenaxear aos grandes referentes da historia de Galicia.
O festival Revenidas ten xa todo listo para encher Vilaxoán de música, mensaxe e identidade, cun formato completamente vinculado ao territorio que foi crecendo nestas vinte edicións.
Nomes de repercusión mundial, como Rodrigo Cuevas ou Ska-P, unha aposta firme polo talento feminino e galego, tanto emerxente como xa consagrado, forman parte dun cartel con oferta para catro días de música sen parar, de xoves a domingo.
Vilaxoán convértese na capital galega da música. Grupos galegos tan talentosos como Fillas de Cassandra, The Rapants, Familia Caamagno ou Lamatumbá marcan presenza nun festival no que Deleite, un ano máis, non podía faltar no apoio á organización.
Esta última semana puxemos en marcha no noso Instagram (@deleitegalego) un sorteo de dous abonos dobres para asistir ao festival. A participación entre a #XenteDeleite desbordou todas as espectativas, algo que nos enche de ledicia e nos anima a seguir agasallando cultura galega.
As usuarias que tiveron sorte neste sorteo son: @laurablancomata e @victordemira.
A semana que vén terá lugar en Culleredo unha nova edición do Castelo Conta, a festa pensada polo actor e humorista Xosé Antonio Touriñán, na súa casa, cos seus veciños e veciñas de Castelo. Un evento incrible que, dende o rural, aposta pola música e a cultura.
Hotel Carioca é unha novela múltiple editada por Galaxia que, coma unha matrioska, contén outras novelas que van dende unha de formación a outra psicolóxica, pasando mesmo por unha policial. Cun estilo lírico, áxil e envolvente, Antón Riveiro aborda temas como a homosexualidade e a súa aceptación, os coidados, a eutanasia, a emigración, a amizade, a descuberta da sexualidade e, sobre todo, o fantástico e intuitivo mundo da creación artística.
A semana do 21 ao 27 de agosto terá lugar en Culleredo unha nova edición do Castelo Conta, a festa pensada polo actor e humorista Xosé Antonio Touriñán, na súa casa, cos seus veciños e veciñas de Castelo.
Dende hai tempo o Castelo Conta é o festival de comedia, cultura rural e tradición oral referente en Galicia. Prográmanse artes escénicas e os mellores monólogos do país nas seis aldeas da parroquia que se enchen durante toda a semana de actividades para os maiores e para os máis cativos. A organización ten moi claros os valores do evento que van dende a tradición oral ata a solidaridade, pasando pola cultura rural, a comedia, o coidado do monte ou a defensa da lingua. Isto todo vese en que o evento é unha iniciativa sen ánimo de lucro que promove a Asociación Culrural Castelo Conta e que pretende ser sostible no tempo evitando depender de grandes recursos económicos.
O festival dará comezo coa programación pensada para os máis pequenos que terá lugar de mañá de luns a venres. Nela podemos atopar teatro infantil, contacontos, concertos, os obradoiros de Noemí Rodríguez ou Xente Miúda (o espazo reservado para a cativada que contará cunha gran variedades de actividades).
