Novas

Hai uns días, desde as contas oficiais de Deleite, activamos un súper-sorteo de 25 libros ilustrados en galego para os máis cativos. Sorteamos cinco exemplares de cada un destes marabillosos libros: de ‘𝑺𝒆𝒕𝒆 𝒅𝒆𝒏𝒕𝒆𝒔 𝒅𝒆 𝒍𝒆𝒐́𝒏’ de Ledicia Costas con ilustracións de David Sierra (Editorial Xerais), ‘𝑿𝒖𝒍𝒊𝒂 𝒆 𝒂𝒔 𝒄𝒐́𝒙𝒆𝒈𝒂𝒔 𝒅𝒂𝒔 𝒏𝒖𝒃𝒆𝒔’ de Diego Giráldez con ilustracións de Meli Molita (Aira Editorial), ‘𝑩𝒂𝒓𝒃𝒂𝒗𝒐𝒂’ de O Hematocrito con ilustracións de Eugenia Ábaldos (Nórdica Libros), ‘𝑷𝒂𝒑𝒐́𝒏𝒔’ de Sandra Lodi (Editorial Galaxia) e ‘𝑩𝒊𝒎, 𝑩𝒂𝒎, 𝑩𝒖𝒎’ de María Girón (Kalandraka).


Recibimos moitísimas participacións, algo que agradecemos nos enche de forza seguir agasallando máis ‘deleituras’ á #XenteDeleite en proximamente. A continuación deixámosvos co nome das persoas afortunadas no sorteo de cada libro:

▪︎ ‘Sete dentes de león’ de Ledicia Costas con ilustracións de David Sierra (Editorial Xerais):

Esther Vence Carreira e Vanesa Barreiro Vilariño gañaron en Facebook, @marpoluc e @ogranbuu en Instagram e @Ccanhedo en X (Twitter).

O Festival de Cans, que celebrará a a súa vixésimo segunda edición do 20 ao 24 do vindeiro mes de maio, foi seleccionado como unha das grandes insignias culturais de...

Hai un par de semanas activamos un dos sorteos máis especiais e divertidos do ano: unha viaxe dobre a Bélxica para vivir o Festival EmigraSON, o festival galego no...

En Deleite perdemos a cabeza. Estes días anunciamos que, noutra aposta pola cultura galega, continuamos como colaboradores do EmigraSON, o festival galego no estranxeiro...

Para Deleite Galego a cultura galega non entende de fronteiras e un ano máis volverá ser patrocinador do festival galego no estranxeiro: o EmigraSON de Bruxelas.


O EmigraSON é o primeiro festival galego feito por e para a mocidade emigrante en Bruxelas. A iniciativa, organizada polas galegas afincadas na cidade belga, busca levar a música, cultura, tradición e vangarda á capital europea. E é que cando se xuntan os galegos fóra da casa, non tardan moito en argallar unha boa festa.

Na súa primeira edición, Galicia reivindicouse enchendo o corazón da Unión Europea de música galega. Familia Caamagno, The Rapants, Fillas de Cassandra, Berto e Filloas foron os encargados de representar a nosa música. Na edición do ano pasado, Catuxa Salom, Ataque Escampe, Lontreira, Grande Amore e The Rapants puxeron a bailar aos máis de 800 asistentes, entre os que se atopaban dous seguidores da #XenteDeleite que gañaron o sorteo da viaxe para vivir o festival ao vivo.


Rock, garage, percusión, indie e pop urbano. Mais tamén folclore, xa que o festival conta cunha xornada dedicada á música tradicional galega e unha sesión de música e oralidade.

Detrás deste proxecto están rapaces que por traballo marcharon de Galicia, pero que pola súa paixón pola música galega se uniron para proxectar o EmigraSON. Buscan achegar Galicia á súa cidade e crear un lugar de encontro para a mocidade galega no estranxeiro, unha iniciativa que xurdiu de forma autoxestionada e sen ánimo de lucro.


Para a súa terceira edición, que terá lugar os días 21 e 22 de febreiro, o EmigraSON volve contar co apoio de Deleite. Tanxugueiras, Fillas de Cassandra, Terbutalina e De Ningures compoñen un cartel de luxo para este 2025.

No Auditorio Neira Vilas da Cidade da Cultura de Santiago de Compostela tivo lugar o pasado 13 de decembro o acto de entrega do Premio Arume de Poesía para a Infancia....

A nosa tradicional panxoliña de Nadal chega este ano da man de De Vacas, tomando a testemuña de Sés, Caamaño&Ameixeiras e Xabier Díaz, que asinaron as dos últimos anos. Unha canción fermosa que versiona e leva ao galego o clásico 'All I Want for Christmas Is You' . Agardamos que vos guste!


Letra:
"Non quero moito para o Nadal...
Só unha cousa desexo
Estar coas miñas vaquiñas
Festexando no cortello

Cantemos esta canción
Coa boca chea de turrón
E que medre o cú
Todo o que eu quero é 'salú' e leite
Todo o que eu quero é salú e leite"


🎥 O vídeo foi dirixido e filmado por Pablo Fontenla en Santiago de Compostela en decembro de 2024.

O sorteo dos calcetíns de Nadal con deseños inspirados no mundo do leite, creados polo ilustrador David Sierra para Deleite, foi un éxito rotundo. Foron centos as...

Do días 10 a 15 de decembro da pasada semana tivo lugar en Pontevedra a novena edición do festival Novos Cinemas-Festival Internacional de Cinema. Un proxecto que ten...

Este domingo, o auditorio do Culturgal foi o escenario da presentación de Bibopalula, a primeira serie musical de animación en galego, á que asistiron preto de 300 persoas. O evento xerou gran expectación, especialmente por coñecer a opinión dun público tan esixente como o das nenas e nenos menores de 6 anos, cuxas reaccións foron moi positivas.


A presentación correu a cargo de Xosé A. Touriñán, quen ademais de ser produtor executivo, presta a súa voz a Pombo Mensaxeiro, un dos personaxes principais da serie. Touriñán expresou a súa satisfacción por facer realidade un proxecto tan necesario, especialmente nun momento no que os máis pequenos necesitan contidos de calidade na nosa lingua.

Por outra banda, María Sabucedo Santos, directora de AGalega.gal e Xabarin.gal, aproveitou a ocasión para animar a todo o mundo a descargar as aplicacións do Xabarín, onde se pode acceder a contidos en galego adaptados a diferentes idades.


Ao longo desta 17ª edición do Culturgal, Bibopalula contou cun stand para achegarse ás familias, presentando os seus personaxes e cancións. Ademais, nos vindeiros días lanzarán un canal de YouTube coas cancións da serie, convidando a todos a cantar e bailar ao son da Banda do Bosque. Desde o pasado venres 27, os episodios están dispoñibles en Xabarin.gal e nas aplicacións do Xabarín para dispositivos iOS, Android e televisores intelixentes.


A nosa querida mascota, Deleitiña, tamén quixo estar presente no evento, mostrando o apoio de Deleite Galego a este proxecto tan agardado do audiovisual galego.

Esta semana tivemos unha nova ‘deleitura’ nas nosas redes sociais. Puxemos en marcha o sorteo de seis exemplares da obra Tres irmáns, a última novela publicada por Carlos Meixide. O sorteo foi un novo éxito e rexistramos centos de participacións, o que demostra unha vez máis que a #XenteDeleite está ben interesada na literatura galega.