A pasada fin de semana tivemos a sorte de estar en Nigrán como patrocinadores da primeira edición de Proxectar, un evento que naceu co obxectivo de poñer o deseño e a creatividade no centro da conversa.
Durante dúas xornada, compartimos espazo con profesionais que lle dan forma ao mundo desde Galicia: deseñadores gráficos, industriais, dixitais… xente que traballa con paixón e talento para transformar ideas en realidades. Alí estivemos nós tamén, apostando polo que máis nos importa: a identidade, a cultura e a creación feita con xeito.
En Deleite sempre quixemos ir máis alá dun simple vaso de leite. Apostamos polo que nos representa, polo que nos fai diferentes, polo que nos conecta. E ver como o deseño galego se reivindica, se celebra e se proxecta desde eventos coma este, dálle todo o sentido ao noso camiño.
Parabéns a toda a organización de Proxectar pola valentía de abrir este espazo necesario. E grazas por contar con nós. Seguiremos apoiando o talento galego, na forma que sexa. Porque o futuro tamén se deseña.
Fotos: Andrés Fraga
Novas
xullo 23, 2025