Por que o leite é bo para a saúde?
O leite é un dos alimentos máis completos que existen. A comunidade científica avala esta afirmación.
O leite contén en sí mesmo prácticamente todos os nutrientes que o noso organismo necesita: calcio, vitaminas D e B12, proteínas de alta calidade, hidratos de carbono, iodo, magnesio, soro e caseína.
Estes nutrientes son absolutamente fundamentais na nosa dieta. Son a base dun sistema muscular e óseo san, o piar dun funcionamento cardiovascular axeitado e necesarios para un desenvolvemento cognitivo correcto.
De que maneira podería ser perxudicial, entón?
Mitos sobre o leite
Algúns dos mitos (completamente falsos) sobre o leite fan referencia a supostas intolerancias á lactosa. Na meirande parte dos casos, as persoas non padecen unha intolerancia, senon que dixiren mal a proteína A1. A solución é tan doada como consumir leite de vacas A2, que nos aportará todo o bo deste alimento tan completo sen padecer dixestións pesadas ou malestar.
Cando se afirma que o ser humano é o único animal que continúa tomando leite na adultez, non se fai conta de que, precisamente o desenvolvemento físico e cognitivo da nosa especie se debe á escolla consciente da alimentación. Somos o único animal que escolle de que alimentarse en calidade dos beneficios que nos aportan os alimentos inxeridos, do mesmo xeito que somos o único animal racional e cunha evolución abismalmente máis rápida que a do resto.
Polo tanto, cando se argumenta isto, estase incorrendo nun reduccionismo absurdo.
Outras falsedades sobre o leite:
-
Contén antibióticos e/ou hormonas:
Ben, para empezar, está totalmente prohibido por lei administrarlle, neste caso ás vacas, ningún compoñente que potencie a creación de leite. A Autoridade Europea de Seguridade Alimentaria controla de maneira exhaustiva a producción de leite e o estado dos animais. Esta afirmación, polo tanto, é totalmente falsa.
-
O leite engorda:
En absoluto é certo. O leite, en cantidades axeitadas, non supón para nada un sobre aporte calórico para unha persoa adulta. Mesmo que esta precise dunha dieta hipocalórica. O aporte graxo do leite é do 3,5% no leite enteiro, do 1,8% no semidesnatado e do 0,8% no desnatado.
-
Provoca perda de calcio:
As e os detractores do leite sosteñen que os vexetais de follas verdes coma a verza, facilitan moito máis a absorción de calcio. O único que non engaden é que haberiamos de inxerir varios kilos de verza ao día para termos un aporte en calcio coma o que nos dá un vaso de leite, mais… en fin, cada quen que bote o día como mellor lle pareza.
Os mitos sobre os alimentos, o "boismo" e a conspiranoia son, ademáis de (dubidosos) problemas primeiromundistas, paus nas rodas para que as persoas acaden unha alimentación e dieta saudables. Intentemos fuxir de opinións e tendencias e baseemos a nosa escolla alimentar en criterios científicos e profesionais.