Tras «As rapazas de Xan», un emotivo retrato do rural da Galicia de mediados do século XX, e «Que non te aten», un poderoso relato protagonizado por gandeiros, Manuel Iglesias Turnes escribiu «Os soños de Miguel» (Xerais), novela ambientada na década de 1970 para plasmar o momento en que Galicia pasaba do autoconsumo a figurar entre as zonas máis importantes de Europa en produción de leite.
Na pasada semana activamos o sorteo deste último traballo do escritor de A Baña, e foron moitos os usuarios das nosas redes que se decidiron a participar, algo que agradecemos e que nos empurra a continuar agasallando “deleituras” á #XenteDeleite en máis ocasións.
Sorteamos seis exemplares desta novela nas principais redes sociais (dous en cada unha delas: Facebook, Twitter e Instagram) e estas son as persoas afortunadas:
En Facebook as gañadoras son Ana Belén Paz Garcia e Ruben Porto Castro
En Twitter o premio vai para @Miguel_GciaFdez e @Luar_Azulado.
E en Instagram a fortuna sorriu a @ruthuvege e @tita_bego.
As persoas gañadoras deberán poñerse en contacto connosco por mensaxe privada nas redes sociais para facilitarnos os datos de envío (nome completo, enderezo e número de teléfono) para recibiren o seu premio.
E moito ollo... Nos últimos sortemos recibimos varias mensaxes de usuarios advertíndonos que hai perfís falsos facéndose pasar por Deleite Galego. Estes perfís nada teñen que ver con nós e xa foron denunciados. Pedimos que non se lles faciliten datos e remarcamos que as únicas persoas afortunadas son as que aparecen anteriormente mencionadas.
Pronto presentaremos novos premios que agardamos que sexan tan ben recibidos coma este!