En Deleite pasamos o verán de festival en festival, e o seguinte no que estaremos para apoiando será o Festival Abride a Fiestra, unha auténtica festa da cultura galega que terá lugar o domingo 13 de xullo na Casa-Museo de Rosalía de Castro, en Padrón.
Durante once horas ininterrompidas, este encontro convida a gozar dunha programación chea de música, palabra, xogos, tradición e natureza. Todo nun espazo tan simbólico coma acolledor: a casa que foi fogar de Rosalía. A edición deste ano rende homenaxe ás cantareiras galegas, recoñecendo o seu papel na transmisión oral e na identidade musical do país.
O festival contará con actuacións de artistas como De Ninghures, Gloria Pavía & Rafa Morales, o grupo portugués Canto d’Aqui e o humorista Carlos Blanco, entre outras propostas. A programación do festival Abride a Fiestra tamén pensa nos máis pequenos, cunha serie de actividades especialmente deseñadas para que nenas e nenos gocen da cultura ao grande. Haberá concerto de Paco Nogueiras ás 12:00, escape-room con Rita Bugallo ás 13:00, obradoiro de obxectos sonoros con Miudiño ás 17:00 e xogos tradicionais durante todo o día.
Desde Deleite sentimos que esta iniciativa representa moito do que defendemos: o compromiso coa noso, coa lingua e coa cultura popular feita con agarimo e de maneira colectiva. Apoiar eventos coma Abride a Fiestra é apostar pola creatividade, a comunidade e o orgullo de ser quen somos. Se che apetece unha xornada diferente, chea de contido e cun ambiente especial, pásate este domingo pola Casa de Rosalía. Estaremos alí, coa fiestra aberta.
Novas
xullo 07, 2025